الكيكـة الكاملـة integral

عدد المساهمات : 317 تاريخ التسجيل : 16/08/2012

ا السلام عليكم ورحمة الله تعالى وبركاته
اللهم صل على محمد وعلى آله وصحبه أجمعين

اليوم بغيت نشـارك معكم أخواتـي العزيزات هاد الكيكـة integral الأنتGرال اللي هـي في
الحقيقـة نتيجـة بحث طويل وعصـر للدماغ ... يعني راها من ٱختراعاتي وغيـر منقولـة لا من مواقع ولى من كتب
وكنتمنى اللي نقلاتها ماتنسـاني من دعواتها هذا هـو الشيء الوحيد اللي نطلب منكم ..

يالاه رانـي عارفاكـم عييانين من كلام الإنـشاء وباغـين دغي نوصلوا لصلب الموضوع
ونا بيني و بينكم نيت ما عنديش مع كـثرة الهدرة ..
علـى بركـة الله نبدأ بسم الله بالمقـادير .

المقـادير :

4 بيضـات
1 ياغورت
2 كاس* سكـر
1 كاس* زيت نباتي
3 ونصف كاس* سريال
1 كاس* دقيق كامل
16 غ خميرة كيماوية ديال الحلوى **

ـ أولا نحب نوضح معنى النجيمات :
* الكـاس اللي تعبري بيه هو نفـس الكاس ديال الياغـورت اللي غادية تستعملي .
ماشي كاس عادي .
** الخمارة ديال الحلوى هنا عندنا فيها 16 غ للكيس الواحد يعني إنت شوفي الكيس
عبارو شحال عندك يعني ممكن ديري 2 لو أنت في المغرب .
وهي غير خميرة حمرا عادية .

الطريقـة :

أولاً غنبداوا بتضراب البيض مع السكر كما جرت العادة في صنع الكيك .
ثم ضيفي ليه الكاس ديال الياغورت اللي بغيتي ممكن ديال فاني ، أنا ستعملت ديال
الكوك ودرت معاه ملعقـة ديال كوكو مبشور .
ـ دابا زيدي الزيت وخلطي حتـى يتمازج الخليط وبداي تضيفي الدقيق المخلوط
مسبقـاً مع الخميـرة الحلوى وفي الأخير بقى لنا غير السيريال نضيفوه ونخلطوا
الكـل ونخليوا على جنب واحد 10 دقايق يرتاح .. هي ماشي ضروري نخليوه
هاد المدة بالتحديد .. غير أنـا عزيز علي دائمـاً نخلي الكيك يرتاح قبل ما نطيبوا
باش كيجي بنين كثـر يعني لا كنت دايراه مزروبـة معليش لا طاب بلاما يرتاح
راه في الفران غادي ياخذ كامل راحتوا هههههه.
ـ عندنا الفران دائمـاً سخـون مسبقا كنديروا الكيك في المول نغطيوه بالبايي
ألومينيوم ( عمري غير ثلاثة أرباع المول وخلي الربع باش مايفيض لك ) .
ولازم تغطيه باش مايطيبش الفوق ويتحمر ويبقى لك التحت .
ـ كنخليوه تقريبا من 30 إلـى 40 دقيقـة على درجـة حرارة
200 . منين تحسي بيه طاب دخلي عويد ديال بروشيط أو راس سكين
باش تشوفي لاكان طاب . راكم عارفين هههه.
ودابا نخليكم مع الصور باش تشوفوا المراحل بالتفصيل .

[ندعوك للتسجيل في المنتدى أو التعريف بنفسك لمعاينة هذا الرابط]

بلا ما نقول لكم هاد الكيكـة راها صحيـة وبنينـة وخصوصاً في الفطور
للأخوات اللي الله يجيب لهم الشفـاء كيعانيووا مع القبط أو أي مرض من
مرض الأمعاء راها كلها فيبغ ..
واللـي دخلت تدعي شي زوينـة راهـا في الأخير الدعوة ليها بالنصف هههه

عدد المساهمات : 136 تاريخ التسجيل : 12/08/2012

مممممممممممم تبارك اله عليك

عدد المساهمات : 317 تاريخ التسجيل : 16/08/2012

الله يبارك فيك أحبيبـة و شكـرا على المرور

عدد المساهمات : 85 تاريخ التسجيل : 12/08/2012

[ندعوك للتسجيل في المنتدى أو التعريف بنفسك لمعاينة هذه الصورة]ممممممممممممم تبارك الله عليك حبوبة

عدد المساهمات : 138 تاريخ التسجيل : 15/08/2012

سلمت الايادي حبيبتي

tbrkalahhh 3likk zwiina

عدد المساهمات : 2 تاريخ التسجيل : 17/10/2012

تبارك الله عليك

عدد المساهمات : 12 تاريخ التسجيل : 20/10/2012

الله اعطيك الصحة